MENU
klinika

Studimi i WBIF

PPP-të në Shqipëri, nuk e vlen “barra qiranë”

17.01.2019 - 09:54

Korniza për Investim e Ballkanit Perëndimor  (WBIF) ka nxjerrë së fundmi një raport të detajuar për projektet e Partneritetit Publik Privat në 6 vendet e rajonit. Shqipëria është në krye të listës së vendeve të analizuara, edhe për shkak të faktit se është vendi me më shumë kontrata PPP që prej vitit 2001, plot 11 të tilla të përmbyllura, më shumë se çdo vend tjetër i rajonit.

Raporti është i dyti pas atij të 2014-ës, dhe në krahasim me atë vit, vetëm Shqipëria duket se ka ndryshuar në drejtim të PPP-ve, pasi në vendin tonë kontratat janë rritur.

Raporti vë theksin kryesisht te një ndër problematikat kryrsore të kësaj forme financimi; ofertat e pakërkuara, dhe në këtë rast Shqipëria nuk kishte si të mos ishte shembulli kryesor.

Në raport thuhet qartë se konkurrenca e të tjerëve në tender në rastin e Shqipërisë dëmtohet rëndë nga fakti që, kompania ofertuese merr një bonus shtesë në garë. Por, nga ana tjetër, në përfundimet e raportit thuhet qartë se, ofertat e pakërkuara ka shumë pak gjasa që të prodhojnë në vepër eficiente, pra që paratë e financuara të justifikojnë veprën publike.

Këtë problem e ka pranuar dhe vetë qeveria shqiptare që ka premtuar ndryshime ligjore, për të mos nisur më projekte publike të mbështetura në propozime të pakërkuara.

VAZHDO TË LEXOSH MË TEPËR PËR TEMËN


“Të ulet më shpejt borxhi”

FMN, sërish “e butë” me PPP-të

“Do vendosim supervizorë ndërkombëtarë”

Gjiknuri: Ja e vërteta për kostot e rrugëve

Banka Botërore: Është 15%

“Tarifa” e korrupsionit me rrugët