Flokët tuaj kanë nevojë për ushqime të shëndetshme! Në vend që të përdorni shampot dhe produktet e tjera, përdorni ushqimet e mëposhtme për shëndetin e flokëve.
Ekzistojnë disa faktorë që ndikojnë në shëndetin e flokëve tuaj si: gjenetika, mosha, hormonet, stresi, etj. Një dietë e mirë, e cila siguron vitaminat kryesore për flokët tuaj, do të sigurojë që ato të bëhen më të shëndetshëm!
Ushqimet më të mira për flokët
Mandarina
Vitamina C që gjendet në të e bën më të lehtë të thithë hekurin. Vitamina B12 në mandarinë nxit rritjen e flokëve, zvogëlon humbjen e tyre dhe ngadalëson procesin e zbardhjes.
Spinaqi
Në shumë raste (veçanërisht te gratë), mungesa e mineraleve janë shkaku i rënies së flokëve. Spinaqi është i pasur me hekur, përmban acide yndyrore omega-3, magnez, kalium, dhe kalcium.
Të gjitha këto ndihmojnë në ngjyrën e shndritshme të flokëve dhe më e rëndësishmja, parandalojnë rënien e tyre. Spinaqi është një nga ushqimet që duhet ta hani çdo ditë!
Kosi
Kosi është i pasur me proteina dhe me vitaminë B5 që ndihmon në rrjedhjen e gjakut në lëkurën e kokës dhe rritjen e flokëve.
Kanella
Kanella ka aromë të këndëshme dhe përmirëson qarkullimin e gjakut. Në këtë mënyrë sjell oksigjen dhe lëndë ushqyese në folikulat e flokut tuaj. Një sasi e vogël e kësaj arome të këndëshme në kafen tuaj është e mjaftueshme për të kryer funksionin e saj.
Vezët
Vezët janë të mbushura me vitaminë B e cila ndihmon rritjen e flokëve. Mungesa e kësaj vitamine mund të çojë në humbjen e tyre.
Midhjet
Midhjet janë të pasura me zink. Zinku është një mineral i rëndësishëm për shëndetin. Kur nuk keni mjaftueshëm zink, mund t’ju ndodhë të humbni flokët, madje edhe qerpikët tuaj! Ju mund të gjeni zink edhe në ushqime të tilla si; mishi i viçit, gaforre dhe karavidhe.
Hudhra
Hudhra ndihmon në parandalimin e çarjeve dhe ruajtjen e lëkurës.
Ushqimet më të dëmshme për flokët
Pijet e gazuara;
Ëmbëltuesit artificial;
Sheqeri;
Mielli i rafinuar;
Alkooli;
Ushqimet e shpejta.
