“11 vjet pavarësi”/ FSK parakalon për herë të parë si Ushtri

Kosova sot shënon 11 vite shtet i pavarur dhe për herë të parë Dita e Pavarësisë po shënohet edhe me Ushtrinë në konsolidim e sipër.

Në këtë 11-vjetor, FSK-ja do të parakalojë për herë të parë si ushtri dhe parakalimi do të bëhet në sheshet kryesore të Prishtinës, duke nisur nga sheshi ‘Zahir Bajaziti’ deri tek sheshi ‘Ibrahim Rugova’.

Më 17 shkurt, 2008, Kosova në koordinim me Shtetet e Bashkuara të Amerikës dhe vendet perëndimore shpalli aktin e pavarësisë, por tani, 11 vjet pas, për herë të parë po rivlerësohet ky partneritet.

Por edhe pse sot feston 11-vjetorin e pavarësisë, Kosova ende nuk ka përmbyllur finalen e madhe të dialogut me Serbinë, në mënyrë që ti jepet fund armiqësisë dhe të arrihet një marrëveshje paqësore, historike.