Menu

Në fokus rasti i Kavajës

Abuzimet ndaj të miturve, studentët e Shkodrës në protestë

11.02.2019 - 18:08

Studentët e Shkodrës kishin zbritur në rrugë në mbështetje të 13-vjeçares nga Kavaja të abuzuar nga bashkëmoshatarët e saj.

Ndërkohë, të rinjtë nuk e dinin se nga ana tjetër, një rast i ngjashëm ishte zbuluar në Malësinë e Madhe.

Studentët e Universitetit “Luigj Gurakuqi”, marshuan përmes pedonales së qytetit deri në sheshin përpara bashkisë të heshtur dhe me pankarta në duar duke u sensibilizuar me rastin e adoleshentes në Kavajë.

Shkarkoni Aplikacionin e Konica.al

Ata kërkuan që të tilla fenomene të denoncohen, shoqëria të mos qëndrojë indiferente dhe të gjithë sëbashku të luftojmë kundër të tilla rasteve skandaloze.

Psikologu dhe njëkohësisht pedagogu Fation Taipi e cilësoi situatën të rëndë, pasi një në katër vajza rezulton sipas studimeve që ka përjetuar dhunë.

“Duke heshtur nuk jemi asgjë tjetër përveçse bashkëpunëtorë të së keqes”, tha ai.

Protesta u mbyll në sheshin përpara Bashkisë me thirrjet që edhe institucionet të reagojnë e të mos heshtin përballë këtyre fenomeneve.