Kryesisht prejardhja e emigrantëve minorenë të pashoqërar që kanë mbërritur në Itali për 2018 është Shqipëria.
Raporti vjetor i Unicef Italia për 2018:
-Drejt Italisë pa familjen e tyre udhëtuan 1550 emigrantë minorenë në 2018
-Përbëjnë numrin më të lartë me 14.4% të numrit të tyre të përgjithshëm
Emigrantët minorenë për 2017:
-Numri i tyre më i madh vinte nga vendet e Afrikës Subsahariane
-Shqipëria renditej në vendin e 4
Ndërkohë për 2018, Shqipëria e Egjipti janë vendet kryesore të minorenëve të pashoqëruar që kanë mbërritur në Itali.
Janë 1550 minorenë shqiptarë të mbërritur apo familjen e tyre në Itali e pas tyre renditen në vendin e dytë ata me origjinë nga Egjipti që janë 930.
Sipas raportit të bërë publik sot nga Organizata Botërore për mbrojtjen e të drejtave të fëmijëve në Itali, gjatë vitit 2018 janë regjistruar 10.787 minorenë të pashoqëruar në Itali e vetëm 3.536 kanë mbërritur përmes rrugës detare të Mesdheut. 85% e tyre kanë moshën 16-17 vjec.
Pas shqiptarëve dhe egjiptianëve renditen minorenët me prejardhje nga Gambia, Guinea, Eritreea, Bregu i Fildishtë etj.
Në vendin e 14 renditen dhe 315 minorenët me origjinë nga Kosova.
Verifikohet një reduktim i dukshëm nga viti 2017 kur numri i tyre ishte 18.303 .
Por gjatë vitit 2018 regjistrohet dhe një numër i lartë , 5.229. minorenë të larguar nga qendra sociale pa ditur se ku ndodhen.
Sipas statistikave të Ministrisë italiane rezultojnë 37 minorenë shqiptarë të larguar nga qendrat e mbrojtjes sociale.
