Yjet e NBA kanë zhvilluar spektaklin e shumëpritur në Chalortte, në sfidën e “All Star Game” në NBA, ku përballë njëri-tjetrit ishin ekipet e LeBron James dhe Giannis Antetokounmpo.
Ekipi i LeBron fitoi 178-164 (37-53, 45-42, 50-36, 46-33). Një ndeshje spektakolare mes basketbollistëve më të mirë në NBA, që konfirmuan edhe një herë se jo më kot janë përzgjedhur në këtë sfidë magjike.
Kevin Durant, me 31 pikë, u shpall MVP i këitj takimi, pasi ishte shënuesi më i mirë i skuadrës fituese. Ndërkohë që, basketbollisti që realizoi më shumë ishte Antetokounmpo, 38 pikë, por ishte pjesë e ekipit humbës.
Ndeshja nisi mirë për skuadrën e Giannis, ku luante dhe Stephen Curry (17 pikë), por në pjesën e dytë vjen rikuperimi i ekipit të LeBron, që e meritoi fitoren.
Në ekipin e LeBron (19 pikë), përveç Durant, që u zgjodh MVP, kishte më shumë basketbollistë “big”, si James Harden (12 pikë), Kyrie Irving (13 pikë) apo Kaëhi Leonard (19 pikë).
Një ndeshje spektakolare për sa i përket gjuajtjeve nga distance. Në këtë sfidë magjike morën pjesë edhe dy veteranë të NBA-së, si Dirk Nowitzki e Dwayne Wade, që në fund të sfidës u nderuan nga organizatorët.
