Dame Vivienne Westwood, Peter Gabriel dhe Wolf Alice janë në mesin e 50 artistëve, të cilët kanë bërë thirrje që Festivali Europian i Këngës të mos zhvillohet në Izrael.
Duke përmendur shqetësimet për të drejtat e njeriut, ata kanë nënshkruar një letër të hapur, ku i kërkojnë BBC-së që ta iniciojë zhvendosjen e garës në një vend tjetër.
“Eurovision”, edhe pse ka karakter argëtues, nuk është i përjashtuar nga konsiderata që duhet pasur për të drejtat e njeriut”, kanë shkruar ata.
Në përgjigjen e kthyer nga gjiganti televiziv shkruhej se nuk është e përshtatshme që të përdoret BBC-në për qëllime politike.
Gara vjetore e muzikës do të zhvillohet në muajin maj në Tel-Aviv, pasi më 2018-n fituese ishte këngëtarja izraelite Netta.
Shqipëria këtë vit do të përfaqësohet në Eurovision nga këngëtarja Jonida Maliqi, me këngën “Ktheju Tokës”.
VAZHDO TË LEXOSH MË TEPËR PËR TEMËN
“Tërmet” në Eurovision, kërkohet bojkoti
