Babai i Emiliano Sala, futbollistit të zhdukur të Cardiff City-t, ka thënë se gjetja e aeroplanit që po e transportonte të birin e tij para se të zhdukej mbi kanalin anglez, është një ëndërr e keqe për të.
Avioni është gjetur në fund të kanalit anglez pas një kërkimi të specializuar privat, dy javë pasi u zhduk rrugës nga Nantes drejt Cardiffit. “Nuk mund ta besoj….kjo është një ëndërr…një ëndërr e keqe…jam i dëshpëruar”, – ka thënë babai i sulmuesit argjentinas, Horacio Sala.
Ende nuk ka lajme nëse janë gjetur trupat e Sala dhe pilotit David Ibbotson, një ditë pasi u gjet aeroplani me të cilin po fluturonin ata.
Sala dhe piloti Ibbotson u nisën nga Nantes në Francë drejt Cardiffit më 21 janar, pasi ylli argjentinas kishte nënshkruar kontratë me klubin e Premier League, por u zhduken mbi kanalin anglez.
Kërkimet zyrtare për ta u ndërprenë vetëm katër ditë pas zhdukjes së tij, por familjarët e Sala, tifozët dhe disa futbollistë profesionist mblodhën të holla për ta nisur një kërkim privat. Kërkimi privat dha rezultat të dielën disa orë pasi kishte nisur.
VAZHDO TË LEXOSH MË TEPËR PËR TEMËN
Zhduket avioni, futbollisti dyshohet se ka vdekur
Nis kërkimi edhe nën ujë për Emiliano Sala
Gjendet avioni i futbollistit të zhdukur
