MENU
klinika

Deklarata e presidentit Erdogan

Çështja Khashoggi/ Turqia nuk i ka zbuluar të gjitha të dhënat

16.02.2019 - 10:20

Turqia ende nuk ka i zbuluar të gjitha informacionet që ka zbuluar për vrasjen e gazetarit Jamal Khashoggi në konsullatën saudite në Stamboll, tha të premten Presidenti Rexhep Tajip Erdogan.

“Ne nuk i kemi dhënë të gjitha informacionet që kemi në dispozicion”, tha kreu i shtetit i Turqisë gjatë një interviste me kanalin televiziv A-Haber.

Pas disa javësh mohimi, Arabia Saudite pranoi se Khashoggi ishte vrarë më 2 tetor pas hyrjes në konsullatë për të marrë dokumentet e nevojshme për martesën e tij të ardhshme me gruan turke Hatice Cengiz.

Riad ka arrestuar një numër zyrtarësh të lartë sauditë të dyshuar të përfshirë në vrasje.

Khashoggi, kontribues i Uashington Postit, ishte një kritik i ashpër i Princit të Kurorës Saudite, Mohammed bin Salman, i cili mohon ndonjë përfshirje në vrasje.

Ankaraja është e vendosur të sjellë këtë çështje përpara drejtësisë ndërkombëtare “, tha Erdogan, duke i bërë thirrje Shteteve të Bashkuara të reagojnë lidhur me këtë rast.

“CIA ka ende peshë në këtë çështje.”tha ai duke folur për marrëdhëniet dypalëshe të Shteteve të Bashkuara me Arabinë Saudite.

Komentet e Erdogan, gjatë një interviste televizive të drejtpërdrejtë me një transmetues privat turk, erdhën një ditë pasi policia në Stamboll ofroi një teori për asgjësimin e mbetjeve të Khashoggi nga agjentët sauditë të cilët thuhet se vranë gazetarin. Policia tha se trupi i tij mund të ishte djegur, sipas agjencisë shtetërore të lajmeve të Turqisë.

Intervista e presidentit dhe raporti i policisë sugjerojnë një përpjekje të ripërtërirë nga Turqia për të ushtruar presion mbi udhëheqjen Saudite në një moment delikate për mbretërinë. Në javët e fundit, ligjvënësit e SHBA kanë kërkuar të ndëshkojnë Arabinë Saudite për shkelje të të drejtave të njeriut dhe ndërhyrjen e saj ushtarake në Jemen.

Në nëntor, CIA arriti në përfundimin se princi saudit, Mohammed bin Salman, ndoshta urdhëroi vrasjen e Khashoggi. Presidenti Trump ka mbrojtur princin e kurorës dhe argumentoi se aleanca e SHBA me Arabinë Saudite nuk duhet të kërcënohet për shkak të çështjes Khashoggi.

VAZHDO TË LEXOSH MË TEPËR PËR TEMËN


"Të gjitha pyetjet do të marrin përgjigje"

Erdogan: Vrasja e gazetarit saudit ishte e planifikuar