MENU
klinika

Detajet

Durrës/ Digjet apartamenti, 15 persona të asfiksuar

04.02.2019 - 10:09

Një apartament në katin e shtatë të një pallati në Durrës është djegur plotësisht gjatë natës duke sjellë panik tek të gjithë banorët e tij.

Zjarri i përmasave të mëdha është vënë re rreth orës 23:30 ndërsa për ta vënë në kontroll u është dashur disa orë pune 5 makinave zjarrfikëse dhe personelit të këtij shërbimi.

Mësohet se rreth 15 persona janë asfiksuar.

Burimet nga spitali rajonal bënë me dije se banorët e pallatit kanë qëndruar derisa u janë bërë kontrollet mjekësore dhe ju është dhënë ndihma e parë atyre me asfiksi.

Fillimisht janë shpëtuar prindërit me fëmijë të vegjël. Energjia elektrike u stakua pas flakëve të zjarrit duke bërë që ashensori i pallatit të dalë jashtë funksioni.

 

Katet e sipërm u bllokuan nga tymi duke bërë që banorët të kërkonin ndihmë për evakuim pasi edhe kalimi nga shkallët u bë i pamundur. Banorët e kateve të sipërm janë shpëtuar nga një autoshkallë e cila i transportonte nga një ballkon i katit të tetë në tokë banorët.

Moti ka qenë në disfavor ndërsa shiu i rrëmbyeshëm vështirësoi operacionin e zjarrfikësve për të shpëtuar banorët e pallatit në lagjen 1 .

Midis të evakuuarve ishte një e moshuar e paralizuar.

Katër autoambulanca u vunë në dispozicion për të dërguar në spital çdo banor të shpëtuar ndërsa operacioni zgjati deri në mëngjes. Zjarrfikësit pa frikë mund të quhen heronjtë e heshtur të natës të cilët në kushte shumë të vështira shpëtuan banorët.

Njoftimi i policisë

“Menjëhërë në vendngjarje shkuan forcat e Policisë dhe të Zjarrëfikses, të cilët gjatë përpjekjes për te evakuuar banorët, nga tymi janë asfiksuar 10 banorë, 4 punonjës Policisë dhe një punonjës i Zjarrëfikses, të cilët u dërguan në Spital dhe pas marrjes së ndihmës mjeksore janë larguar në banesat e tyre pa probleme për jetën” informoi policia e Durrësit.

Nga hetimet paraprake mësohet se zjarri ka rënë si pasojë e një shkëndije në një dyshek elektrik.

Rënie temperaturash dhe reshje të dendura

Zonat ku rrezikohen përmbytje

Ja sa ishte magnituda dhe epiqendra

Durrësi zgjohet me lëkundje tërmeti

Apeli vendos për fatin e tre gjyqtarëve të Durrësit

Udhëtuan me paratë e biznesmenit për “El Clasico-n”

Burg për 3 të akuzuar, 2 të tjerë…

Vrasja e babait dhe plagosja e djalit në Durrës