Menu

Detajet

Erozioni në Shëngjin, deti ‘ha’ tokën

05.02.2019 - 14:49

Deti po vijon në mënyrë agresive, e po merr gjithmonë e më shumë sipërfaqe të brezit ranor të Shëngjinit. Banorët e zonës tregojnë se, vitet e fundit deti ka përparuar me rreth 70 metra.

Shkarkoni Aplikacionin e Konica.al

Ndërtimi sa më parë i skalierave do të ishte zgjidhja e duhur, ndaj autoritetet përkatëse duhet të marrin masa sa më parë, në mënyrë që bregdeti i Shëngjinit të mos humbasë.

Erozioni në Shëngjin ka krijuar një situatë të frikshme. Muri prej betoni i një ndërtese buzë detit tregon fare qartë betejën që deti bën me tokën.

Banorët tregojnë se, në 5 vitet e fundit deti ka përparuar drejt sipërfaqes së tokës me rreth 70 metra. Kjo, si pasojë e mungesës së skalierave.

Deti po pushton me shpejtësi sipërfaqe të tëra dhe, nëse nuk ndërhyhet me ndërtimin e skalierave, bregdeti i Shëngjinit nuk do të ekzistojë më pas disa viteve.