MENU
klinika

Emrat e aplikuesve

Formimi i SPAK/ 4-prokurorë të tjerë i shtohen garës

01.02.2019 - 16:32

Formimi i Prokurorisë Speciale Antikorrupsion (SPAK), një strukturë komplekse e projektuar për të goditur krimin dhe korrupsionin në të gjitha nivelet e tij, është edhe një nga kushtet për Integrimin në Bashkimin Europian, si dhe nisje e Reformës në Drejtësi.

Aktualisht vijojnë aplikimet nga prokurorë për të bërë pjesë e saj.

Ditën e sotme mësohet se edhe katër prokurorë të tjerë kanë aplikuar për të qenë pjesë e SPAK.

Bëhet me dije se për të qenë pjesë e anëtarëve të SPAK kanë aplikuar prokurori i Prokurorisë së Përgjithshme Arben Kraja;

Prokurori i Krimeve të Rënda Vladimir Mara; si dhe Prokurori i Krimeve të Rënda, Dritan Prençi.

spak-konica.al

Po ashtu pak orë pas tyre ka aplikuar edhe Prokurori i Tiranës, Shkëlzen Cena, duke e çuar në 9 numrin e aplikantëve

Më herët për të qenë pjesë e strukturave të SPAK kanë aplikuar Doloreza Musabelliu, Eugen Beci, Anton Martini, Besnik Muçi dhe Klodian Braho.

Aplikimet për 15 vende në SPAK janë të hapura deri në 6 shkurt. Në institucionet e reja që pritet të formohen për llogari të reformës, pritshmëria më e lartë publikë është për SPAK, strukturën e veçantë që do të hetojë dhe vendosë para përgjegjësisë politikanët dhe zyrtarët e lartë.

Prokuroria e Posaçme (SPAK) i kryen funksionet e saj në mënyrë të pavarur, nëpërmjet prokurorëve të posaçëm, të cilët emërohen nga Këshilli i Lartë i Prokurorisë.

“S’ka rëndësi numri i prokurorëve apo gjykatësve”

Ambasadori rumun në Shqipëri: Reforma në Drejtësi, t’i drejtohet qytetarit

Bosi i Camorra-s nis bashkëpunimin me drejtësinë

Dorëzohet pas 26 vitesh në burg “Sandokan”