Edhe ish-kryeministri Berisha ka shprehur mendimin e tij në lidhje me djegien e mandateve gjatë mbledhjes së sotme të grupit parlamentar të PD-së.
Berisha është shprehur pro deklaratës së Bashës dhe ka theksuar se duhen akte që çojnë në rrëzimin e kryeministrit Rama.
“Duhet të ndërmarrim çdo akt që na çon tek rrëzimi i Ramës. Prova e këtij vendimi është, nëse ne me aksionin qytetar politik do t’u kthejmë shqiptareve votën e lirë, ne kemi marrë një vendim historik të drejtë. Po nuk arritëm që shqiptarët të votojnë të lirë, mbetemi fasadë.
Nëse shkohet në këtë vendim, që nuk e kundërshtoj, përkundrazi, koha ka ardhur që të përballemi me këtë regjim me qëllimin e vetëm që shqiptarët të jenë të lirë”, ka deklaruar Berisha në mbledhjen e grupit të PD.
