Disa infeksione shkaktohen nga bakteret që nuk mund të mbijetojnë ose të shumohen kur oksigjeni është i pranishëm.
Këto baktere, të quajtura anaerobe, zakonisht jetojnë në traktin gastro-intestinal (sistemi tretës), ku ka vetëm një sasi të kufizuar të oksigjenit.
Nga përkufizimi, termi anaerobe do të thotë “jeta pa ajër”.
Këtu janë disa përshkrime të shkurtra të infeksioneve anaerobe që ndonjëherë ndikojnë tek fëmijët.
*Aktinomikoza
Aktinomikoza (sëmundja e nofullës) është shkaktuar më së shpeshti nga një specie e baktereve të quajtur Actinomyces. Ky infeksion zakonisht ndodh në fytyrë dhe qafë, nganjëherë pas një infeksioni dentar ose një procedure të tillë si nxjerrja e dhëmbëve ose kirurgjia me gojë ose pas traumës në fytyrë. Ajo gjithashtu mund të ndikojë në pjesë të tjera të trupit, duke përfshirë edhe barkun, zorrët ose traumave në këtë rajon.
Absceset ( qelbëzimi ) mund të krijohen kur këto infeksione janë të pranishme. Aktinomikoza rrallë zhvillohet tek foshnjat dhe fëmijët.
Testet laboratorike mund të konfirmojnë praninë e baktereve Actinomices. Kur aktinomikoza diagnostikohet, mjeku mund ta trajtojë atë me antibiotikë intravenoz (p.sh., penicilinë, ampicilin) për 4-6 javë, pasuar nga doza të larta antibiotikësh të marra nga goja për disa muaj.
*Infeksionet Bacteroides dhe Prevotella
Organizmat bakterial nga speciet e quajtura Bacteroides dhe Prevotella janë anaerobe. Ato janë organizma të zakonshëm në gojë, në traktin gastro-intestinal dhe në traktin gjenital të femrave. Ato mund të shkaktojnë infeksione në pjesë të ndryshme të trupit tek fëmijët dhe të rriturit e të gjitha moshave. Më të zakonshmet janë infeksionet dentare, inflamacion të barkut dhe abscesi brenda barkut, mitrës ose zorrëve . Në rajone të tjera të trupit, këto baktere janë shoqëruar me kushte tw tjera, si infeksione kronike të veshit, infeksione të thella të lëkurës dhe abscese të mushkërive.
Kulturat e kwtyre baktereve mund të mblidhen dhe të dërgohen në laborator për të identifikuar dhe konfirmuar organizmat përgjegjës për infeksionin, duke përcaktuar nëse janë përfshirë Bacteroides ose specie Prevotella. Këto infeksione trajtohen me antibiotikë të tillë si clindamicin ose metronidazole. Në shumicën e rasteve, bakteret janë rezistente ndaj barnave të penicilinës.
Nëse është formuar një absces, mund të duhet të pastrohet duke përdorur një gjilpërë ose me një operacion.
