Rreth dy muaj më parë Jose Mourinho u shkarkua nga Manchester United, duke humbur edhe mundësinë që të vazhdonte rrugëtimin e tij me “Djajtë e kuq” në Champions League.
Por trajneri portugez do të jetë përsëri protagonist i turneut, këtë radhë duke komentuar pikërisht ish-skuadrat e tij si Real Madrid e Manchester United, pasi ka nënshkruar një kontratë me televizionin rus “Russia Today”.
Ashtu si në Botëror, Mourinho do të komentojë paraqitjet e skuadrave dhe do të bëjë analizën teknike të ndeshjeve për televizionin rus, në emisionin “Në vijën e fushës me Jose Mourinhon”.
“Mbulimi i Botërorit ishte një eksperiencë e madhe dhe pres me padurim mundësinë që të bashkëpunoj me këtë ekip fantastik”, – tha Mourinho.
Ai bëri shumë bujë në verën e kaluar duke parashikuar me saktësi disa prej rezultateve të ndeshjeve, por këtë radhë për ta parë në veprim duhet pritur data 7 mars, pasi të jenë luajtur një pjesë e ndeshjeve me eliminim direkt.
Puna e tij e re u prezantua nëpërmjet një video në kanalin rus, aty ku portugezi tha: “Do të flasim për futbollin, për çfarë mund të flas tjetër unë?!”. Kujtojmë që 56-vjeçari punoi me BeIn Sports në Katar muajin e kaluar.
VAZHDO TË LEXOSH MË TEPËR PËR TEMËN
Jose Mourinho lë pas “tradhëtinë”
1 mln € pagesa, hoteli “qan” ikjen e Mourinhos
“Si më fshehu magazinieri, për pak vdiqa…”
