Kuvendi i Kosovës votoi me 65 vota pro projektligjin për buxhetin e vitit 2019, që do të jetë mbi 2,3 miliardë euro.
Për votimin e buxhetit, PSD-ja kishte vënë disa kushte, mes të cilave shkarkimin e ministrit të Bujqësisë, që u bë ditën e shtunë.
Buxheti i vitit 2019 këtë vit është votuar shumë vonë dhe kjo ka bërë që të ketë edhe një projekt-vendim të qeverisë për zgjatjen e ndarjeve buxhetore për muajin shkurt.
“Punonjësit publikë në Republikën e Kosovës tani mund të themi se krahasohen edhe me vendet e Bashkimit Evropian për pagesat qe do t’i kenë që sot”, tha kreu i Kuvendit, Kadri Veseli.
Kryeministri Ramush Haradinaj përshëndeti miratimin e buxhetit duke theksuar se ky është buxheti më i madh dhe më zhvillimor që do t’i paraprijë rritjes ekonomike prej 4,7% . Sipas Hardinajt, me aprovimin e buxhetit, Kosova hyn në një etapë të re zhvillimore.
