Mbajtja e lenteve të kontaktit ju vë në rrezik disa kushte serioze duke përfshirë infeksionet e syve dhe ulçerat e kornesë.
Këto kushte mund të zhvillohen shumë shpejt dhe mund të jenë shumë serioze. Në raste të rralla, këto gjendje mund të shkaktojnë verbëri.
Ju nuk mund të përcaktoni seriozitetin e një problemi që zhvillohet kur mbani lente kontakti. Ju duhet të merrni ndihmë nga një profesionist i kujdesit të syve për të përcaktuar problemin tuaj.
Nëse keni ndonjë simptomë të acarimit apo infeksionit të syve, largoni lentet menjëherë dhe mos i vendosni ato në sy dhe kontaktoni okulistin menjëherë.
Mos i hidhni lentet. Ruajini ato dhe i merrni me vete kur të bëni vizitën. Mjeku mund të dëshirojë t’i përdorë ato për të përcaktuar shkakun e simptomave.
Simptomat e Irritimit të Syrit ose Infeksionit:
-Siklet;
-Lotim;
-Ndjeshmëri të pazakontë ndaj dritës;
-Kruajtje , djegie, ose ndjenja të rënda;;
-Skuqje e pazakontë;
-Shikim i turbullt;
-Ënjtje;
-Dhimbje;
Rreziqet serioze të lenteve të kontaktit:
Simptomat e acarimit të syrit mund të tregojnë një gjendje më serioze. Disa nga rreziqet e mundshme serioze të mbajtjes së lenteve të kontaktit janë ulcerat e kornesë, infeksionet e syve dhe madje edhe verbëria.
Ulcerat e korneas ( pjesa transparente e përparme e syrit ) janë plagë të hapura në shtresën e jashtme të kornesë. Ato zakonisht shkaktohen nga infeksionet.
Për të zvogëluar shanset e infeksionit, duhet të:
Fërkoni dhe lani lentet tuaja të kontaktit sipas udhëzimeve të okulistit .
Pastroni dhe dezinfektojeni lentet sipas udhëzimeve të etiketimit.
Mos e ekspozoni lenten tuaj të kontaktit në ujë. Asnjëherë mos përdorni ujë jo-steril (ujë të distiluar, ujë të pijshëm ose solucionet e kripës).
Hiqni lentet e kontaktit para notit. Ekziston rreziku i infektimit të syve nga bakteret në ujin e pishinës apo nga uji I kripur i detit .
Zëvendësoni lentet çdo 3 muaj ose sipas udhëzimeve të mjekut.
