Pak pas mbylljes së mbledhjes së kolegjit të kryetarëve, mësohen strategjia që do përdorë opozita për protestat e paralajmëruara.
Opozita do të protestojë çdo të enjte tek Parlamenti.
Vendimi u mor në mbledhjen e kryetarëve të PD në rrethe. Seanca e ardhshme pritet të jetë në 28 shkurt, kështu që ne të njejtën ditë është parashikuar edhe protesta tek parlamenti.
3 ditë më parë, protesta e opozitës pamundësi zhvillimin e seancës plenare. Pavarësisht paralajmerimeve të qeverisë për dhune dhe hyrje me forcë në parlament, nuk u shënua asnjë incident.
Kjo ishte dita kur kreu i opozites Lulzim Basha, dorëzoi zyrtarisht mandatet e deputetëve të opozitës.
Nëpërmjet këtij hapi ekstrem, opozita beson se do të detyrojë kryeministrin Rama të tërhiqet nga pushteti i blerë në bashkëpunim me krimin dhe t’i hapë rrugë një qeverie tranzitore, që do të siguroje zgjedhje të lira e tëndershme.
Një ditë pas mbledhjes së Kryesisë së PD-së, kreu i kësaj force politike Lulzim Basha mblodhi kolegjin e kryetarëve. Mbledhja u zhvillua në selinë e Partisë Demokratike.
Mësohet se në mbledhje marrin pjesë të gjithë kryetarët e PD-së në rrethe.
