07.02.2019 - 11:43
Edhe pse nuk ka zhvilluar asnjë ndeshje që nga klasifikimi i fundit, Shqipëria ka humbur një vend, duke zbritur në pozitën e 61-të.
Kjo për shkak të suksesit historik të Katarit. FIFA publikoi së fundmi edhe renditjen e re të kombëtareve, e cila ishte e para për vitin 2019-të.
Kombëtarja nga gadishulli arabik arriti të fitoj Kupën e Azisë, duke u ngjitur plot 38 vende, duke parakaluar kështu edhe Shqipërinë.
Ndërkohë, ndryshe nga kuqezinjtë, Kosova është ngritur me 1 vend, duke u pozicionuar në vendin e 130-të.
“Dardanët” janë ngritur falë humbjes së pikëve të Turkmenistanit, që ka zbritur 9 vende pas ndeshjeve të Kupës së Azisë.
