MENU
klinika

Deklarata e ashpër e zv.presidentit amerikan

Samiti i Varshavës/ Irani ‘mollë sherri’ mes SHBA-së dhe Evropës

14.02.2019 - 15:08

Zëvendëspresidenti i SHBA, Mike Pence, ka qortuar ashpër aleatët evropianë të Uashingtonit lidhur me përpjekjet e tyre për të mbrojtur bizneset e tyre nga sanksionet e Shteteve të Bashkuara kundër Iranit, në një konferencë në Varshavë.

Një skemë që BE ka ngritur për të lehtësuar tregtinë me Iranin ishte “një përpjekje për të thyer sanksionet amerikane kundër regjimit revolucionar vrasës të Iranit”, tha Pence gjatë një konference për Lindjen e Mesme të organizuar nga SHBA në kryeqytetin polak.

“Është një hap i keqkëshilluar që vetëm do të forcojë Iranin, do të dobësojë BE dhe do të krijojë më shumë distancë midis Evropës dhe Shteteve të Bashkuara,” tha ai.

Takimi i Varshavës u ndoq nga më shumë se 60 vende, por fuqitë kryesore evropiane si Gjermania dhe Franca, partitë e marrëveshjes bërthamore të vitit 2015 me Iranin refuzuan të dërgonin diplomatët e tyre të lartë me frikën se samiti ishte projektuar kryesisht për të ndërtuar një aleancë kundër Tehranit.

Foto e marrë nga Haaretz

SHBA, nga ana tjetër, përfaqësohet nga Pence, Mike Pompeo, diplomati më i lartë i Uashingtonit dhe Jared Kushner, dhëndri i Donald Trump dhe ndihmësi i veçantë në Lindjen e Mesme. Kryeministri izraelit, Benjamin Netanjahu merr pjesë gjithashtu.

Administrata e Obamës lehtësoi sanksionet e Shteteve të Bashkuara ndaj Iranit nën kushtet e marrëveshjes bërthamore, por Trump i rivendosi ato kur ai tërhoqi SHBA nga marrëveshja vitin e kaluar.

“Nuk mund të arrini stabilitet në Lindjen e Mesme pa u përballur me Iranin. Nuk është e mundur, “u tha gazetarëve Pompeo pas deklaratës zyrtare të hapjes.

Thirrja e Pompeo për një epokë të re të bashkëpunimit në Lindjen e Mesme do të shihet me skepticizëm nga udhëheqësit e BE, të cilët nuk janë dakord me vendimin e SHBA-së për të hequr dorë nga marrëveshja e Iranit ose me tërheqjen e planifikuar të 2.000 trupave amerikane nga Siria.

Foto e marrë nga Middle East Eye

Ministri i Jashtëm iranian, Javed Zarif, e përshkroi konferencën e Varshavës si një përpjekje tjetër nga SHBA për të vazhduar një obsesion të pabazë me Iranin.

Konferenca e Varshavës vjen pasi pasi presidenti rus, Vladimir Putin, që konsiderohet gjithnjë e më shumë si një lojtar kyç në Lindjen e Mesme, priti homologët e tij iranianë dhe turq për të diskutuar një zgjidhje përfundimtare në luftën civile siriane.

Ministri i jashtëm rus Sergei Lavrov tha të mërkurën se krerët gjithashtu do të diskutojnë krijimin e një komiteti të posaçëm për hartimin e një kushtetute të re të pasluftës për Sirinë.

VAZHDO TË LEXOSH MË TEPËR PËR TEMËN


Shërbimit të Inteligjencës

BE sanksione të reja Iranit