Pas letrës që erdhi nga Amerika për liderët kosovarë, ku kërkohej heqja e taksës, të gjithë krerët e shtetit janë mbledhur në një takim.
As pas paralajmërimit të Amerikës, vendimi për heqjen e taksës ndaj mallrave të Serbisë nuk do të hiqet.
Ishte kryeministri Ramush Haradinaj që pas takimit që pati me presidentin, kryeparlamentarin e ministrat, u deklarua se e lut Amerikën që t’i kuptojë, duke thënë se masa nuk hiqet deri në njohje.
“Kam pasur takim me ambasadorin me Philip Kosnettt për të cilin kam respekt dhe është diplomat i zoti, ai ka qenë shumë i saktë i ka sugjeruar Kosovës që të pezullohet taksa dhe njëkohësisht ka paraqitur edhe këtë letër që vjen për tre udhëheqësit e Kosovës, kryeministrin, krye parlamentarin dhe presidentin.
Unë kam pas rastin që ti them. Taksa nuk u vendos në lidhje me Amerikën as zhvillimet e fundit në dialog, që 20 vjet në konflikt I ngrirë jemi lodhë dhe kërkojmë një finale Kosovë-Serbi, kërkojmë marrëveshje gjithëpërfshirëse”, tha Haradinaj.
Krerët e qeverisë u mblodhën mbrëmë në një restorant në Prishtinë.
Aty u diskutua për paralajmërimet që po vijnë nga shtetet mike të Kosovës, për heqjen e taksës për 100% për të gjitha produktet serbe e boshnjake, pak pasi që në opinion doli edhe letra e Zëvendës Asistentit të Sekretarit të Shtetit Amerikan, Matthew Palmer.
Në këtë letër, dërguar tre krerëve të shtetit, saktësohej se vazhdimi i masës ndaj Serbisë e Bosnjës do të thotë minim i bashkëpunimit me SHBA’në.
