MENU
klinika

Detajet

Zjarr në kodrat e Patosit, rrezikohen puset e naftës

19.02.2019 - 16:37

Një zjarr ka përfshirë zonën e njohur si “Ofiçinë” në kodrat e Patosit.

Mësohet se zjarri ka rënë në një sipërfaqe me shkurre, shumë pranë puseve të naftës të Albpetrol dhe disa shtëpive.

Në vendin e ngjarjes kanë mbërritur forcat zjarrfikëse të Fierit, Patosit si dhe Albpetrolit dhe avarishpëtimit.

Është mundësuar lokalizimi i flakëve, por të favorizuara edhe nga era, që rrezikon sërish riaktivizimi i vatrës së zjarrit.

zjarr ne patos-konica.al

Fikja e zjarrit bëhet e vështirë edhe për shkak të terrenit të thyer.

Është kërkuar ndërhyrja e forcave të tjera për të evituar përhapjen e flakëve. Në vendin e ngjarjes kanë shkuar edhe efektivë të policisë.