Taulant Balla nga Kongresi tha se në zgjedhjet vendore të 30 qershorit, Partia Socialiste duhet të fitojë të 61 bashkitë e vendit.
Sipas Ballës, opozita u mundua për të sajuar një ngërç pas braktisjes së mandateve dhe shprehu gatishmërinë e qeverise për dialog në të mirë të vendit.
“Në zgjedhjet vendore të 30 qershorit jo vetëm që duhet të rikonfirmohemi në të gjitha bashkitë ku shqiptarët na kanë dhënë nderin dhe përgjegjësinë për tu shërbyer deri tani, por duhet të jemi fitues dhe të fillojmë ndryshimin edhe në bashkitë që kanë mbetur peng i kundërshtarëve tani. Sot është ndezja e motorëve për të fituar në 61 bashkitë e vendit.”
Kreu i grupit parlamentar të PS, shtoi: “Duhet të adresojmë boshllëkun që na ka lënë në jetën politike të vendit mungesa e një opozite konstruktive, e cila në përgjegjshmëri të plotë politike u mundua të krijojë një ngërç artificial tërësisht të njëanshëm pas braktisjes së mandateve në Kuvend.”
