Kryetari i Partisë Demokratike, Lulzim Basha iu bashkua grupit të banorëve të ‘Unazës së Re’ të cilët po protestojnë tek Drejtoria e Policisë Tiranë.
Banorët protestojnë pas arrestimit të Dorian Protadorit, i cili u arrestua ditën e sotme në protestën e opozitës.
Basha ka shprehur mbështetjen për banorët nëpërmjet një postimi në Facebook.
“Mirënjohje dhe respekt për çdo qytetar që sakrifikon nga vetja dhe familja për t’iu gjendur pranë me vendosmëri dhe kurajo protestuesve paqësorë, të ndaluar në mënyrë të paligjshme nga policia! Kjo është beteja më europiane që do të sjellë ndryshimin që meriton çdo shqiptar! #shqiperiasieuropa” shkruan Basha.
Kreu i PD nuk ishte sot në protestën e opozitës para parlamentit, por as në Prokurorinë e Tiranës për të dhënë shpjegime për lobimin në SHBA.
