10.03.2019 - 16:35
Kryetari i Partisë Demokratike, Lulzim Basha mblodhi sot rreth orës 15:00 Kryesinë e PD-së dhe ish-grupin parlamentar.
Sipas informacioneve, Basha e ka cilësuar largimin e Ramës si një emergjencë kombëtare.
“Largimi i Ramës çështje e emergjencës kombëtare, në vend nuk ka normalitet, për Ramën asnjë minutë qetësi. Shqipëri me parlament monoparti dhe kriminelë dhe qeveri të kapur me krimin, ne nuk pranojmë.” është shprehur Basha.
Në mbledhje mësohet të jetë diskutuar edhe për çështje të organizimit të partisë, si dhe për mënyrat sesi mund të kontaktohen sa më shumë njerëz për protestën e 16 marsit.
