MENU
klinika

FIFA

Botërori me 48 ekipe që në Katar?

13.03.2019 - 11:47

Tashmë idea e Kupës së Botës, nga 32 ekipe, në 48, nuk është e panjohur dhe pritet të zbatohet në vitin 2026, në eventin që do të zhvillohet në Amerikë-Meksikë-Kanada.

Por së fundmi është hedhur idea që ky ndryshim të ndodhë që në Botërorin 2022, i cili do të zhvillohet në Katar. Alternativa e zgjerimit po kthehet në një diskurs gjithnjë e më të artikuluar.

Kjo faktohet edhe nga një studim i FIFA-s, që tenton ta arrijë diçka të tillë që për ndalesën e 2022-t. Raporti i FIFA-s është një artikull prej 81 faqesh ku argumentohet plani me kalendarin dhe oraret e programuara.

Kjo bën të mendosh se organi qeverisës i futbollit po mendon realisht aplikimin e këtij formati të ri, që nga Botërori i Katarit, ndryshe nga çfarë ishte planifikuar për atë të 2026-s.

qatar 2022

Çelësi për ta bërë të mundur zhvillimin e turneut botëror me 16 skuadra më shumë, për më tepër në një vend të vogël si Katari, është pikërisht përfshirja e shteteve të tjera organizatore, diçka që për këtë destinacion të Kupës së Botës projektohet si i vështirë.

konica sportkonica sport mobile

Duke parë situatën politike në rajon, ku Katari ka ndërprerë marrëdhëniet diplomatike që në vitin 2017, me shtetet e tjera që e rrethojnë, si Arabia Saudita, Emiratet e Bashkuara Arabe dhe Bahreini, opsioni i vetëm mbetet ai i shtrirjes së Botërorit në Kuëait dhe Oman.

Formati final për një botëror me 48 vende pjesëmarrëse do të niste me 16 grupe të përbëra nga tre skuadra, duke parashikuar edhe 6 ndeshje brenda një dite. Dy skuadrat e para të grupeve respektive do të kalonin në fazën e 1/16-ave për të vijuar më pas me eliminimet direkte, me një total prej 80 ndeshjesh.

stadiumi i boterorit katar 2022

Ky projekt-studim i FIFA-s do të diskutohet në mbledhjen e kësaj jave në Miami, për të çuar në votimin final gjatë muajit qershor, ku do të jepet dhe verdikti. Gjithsesi, pika më strategjike e projektit i përket stadiumeve dhe transfertave, pasi Katari nuk ka kufij tokësor as me Kuëaitin e as me Omanin, ndaj do të nevojiteshin fluturime direkte për këto destinacione.

Pikëpyetja tjetër i takon stadiumeve, ku në Katar do të jenë gati për 2022-shin 8 impiante moderne, të gjithë të shtrirë brenda një rrezeje prej 55 km. Për të zgjeruar formatin me 48 skuadra, do të nevojiteshin të paktën edhe dy impiante të tjerë.

Kuëait mund të siguronte vetëm një të tillë, ndërkohë që stadiumi i Muskatit, në Oman, pas rikonstruksionit, ka shkuar nga 40 në 34 mijë vende kapacitet, e për ta çuar sërish në 40 mijë, do të nevojitej një ndërhyrje e menjëhershme.

VAZHDO TË LEXOSH MË TEPËR PËR TEMËN


Zbulimi i “Amnesty International”

Tjetër skandal i Botërorit “Qatar 2022”