Dështon sërish seanca, shkak bëhet vetë Balili

Është shtyrë sërish seanca gjyqësore për Kelment Balilin ose të ashtuquajturin “Eskobari i Ballkanit”.

Shkak është bërë mungesa e mbrojtjes. Në seancë ka munguar avokati i zgjedhur nga vetë Balili, Theodori Sollaku.

Përveç mungesës së avokatit mbrojtës, edhe vetë Balili ka lëshuar një deklaratë nga paraburgimi ku shprehet se është i sëmurë dhe kërkonte shtyrje të seancës pasi nuk mund të merrte pjesë.

Kujtojmë që Balili akuzohet për “Trafikim të lëndëve narkotike në bashkëpunim, “pjesëmarrje në grupin e strukturuar kriminal”, “Refuzim për deklarim, mosdeklarim, fshehje ose deklarim i rremë i pasurive”, si dhe për “Pastrim parash”.