Në krah të trajnerit Christian Panucci në konferencën për shtyp, në prag të ndeshjes së nesërme ndaj Turqisë, ishte edhe Elseid Hysaj, kësaj radhe në rolin e kapitenit.
Është hera e parë që në stadiumin e Shkodrës ai do të mbajë shiritin, por Hysaj është tashmë mjaft i pjekur dhe nuk ka emocione, madje thotë se do të luante edhe në ndonjë rol tjetër.
Si do t’i përballoni sulmuesit turq?
“Sulmuesit që ka Turqia i kemi takuar dhe në Serie A dhe aty kemi të bëjmë në çdo ndeshje me lojtar të tillë dhe jemi përgatitur të mbrojmë mirë ndaj Turqisë.”
Çfarë i mungon kombëtares?
“Grupi që kemi tani është fantastik. Njihemi mirë me njëri-tjetrin. Kemi marrë leksione për gabimet që kemi bërë. Shpresoj të vazhdojmë nga ndeshja e fundit që e lamë me fitore.”
Keni folur me Strakoshën?
“Jam i lumtur që do të luaj në shtëpinë time si kapiten. Për Strakoshën nuk vendosim ne. Kush gabon, duhet të paguajë gabimin. I kamë thënë të rri i qetë dhe të vë mend për herët e tjera. Shpresoj ta kuptoj gabimin sa më shpejt.”
Si është të jesh kapiten në qytetin tënd?
“Është ndjesi shumë e mirë. Nëse është nevoja të bëj edhe një rol tjetër, do ta bëj me gjithë maksimumin tim.”
VAZHDO TË LEXOSH MË TEPËR PËR TEMËN
Cana tregon se kujt do ia jepte shiritin e kapitenit
“Marrim 6 pikë, bast me Panuccin”
