Pas rreth dy javësh, Ariana Grande pritet të nisë turneun “Thank U, Next/Sweetener Tour” dhe përmes një postimi të ndjerë në “Instagram” rrëfeu se ndihet tepër emotive në këto momente.
Ariana Grande attends the 13th annual Billboard Women in Music event at Pier 36, in New York
Billboard Women in Music 2018, New York, USA – 06 Dec 2018
“Jam shumë mirënjohëse për jetën time, për personat që janë pjesë e saj, për ulje-ngritjet, për të qeshurat, dhembjet, muzikën dhe miqësitë e një jete që kam bërë falë saj”. “Nuk arrij dot ta besoj atë që ka ndodhur në këto dy vjet; atentati i tmerrshëm në “Manchester Arena”, humbja e ish-të dashurit Mac Miller dhe anulimi i fejesës me Pete Davidson. Nuk e di se ç’do të ndodhë pas këtij postimi, por jam mirënjohëse që jam këtu. Dhe e emocionuar që do t’ju shikoj. Me siguri do të qaj shumë”.
Më pas rrëfen se pak kohë më parë nuk ndihej mirë për të punuar, apo për të realizuar një turne: “Ia thashë skuadrës sime dhe miqve të mi, ju dhe muzika më keni shpëtuar jetën dhe keni ndryshuar rrjedhën e saj”.
Turneu i Ariana Grande pritet të nisë më 18 mars në New York dhe do të vijojë deri në korrik. Në mes të gushtit, pritet të nisë ai europian, nga Londra.
