Ditën e shtunë opozita do të zhvillojë protestën e dytë para Kryeministrisë dhe të pestën në total në muajin e fundit.
PD dhe LSI kanë paralajmëruar se kjo do të jetë protestë e madhe me pjesmarrje masive. Ndërkohë që kryeministri Rama nuk do të jetë në Tiranë ditën e shtunë, kur opozita të protestojë poshtë zyrës së tij.
E ndërsa në 16 shkurt, Rama ishte në Vlorë kur opozita protestoi para selisë së qeverisë, pasnesër do të jetë në qarkun e Beratit në kuadër të turit ‘Bashkia që duam’.
Deputetja e PS-së, Ermonela Felaj përmes një postimi në rrjetet sociale shkruan se takimet në këtë qark do të fillojnë që nesër në orën 14:30, ndërsa do të vijojnë të shtunën me të tjera në të gjithë qarkun e Beratit.
Opozita kërkon krijimin e një qeverie tranzitore për të shkuar në zgjedhje të parakohshme.
