MENU

Informacionet paraprake

Plagosja e efektivit të FNSH-së, ndalohen dhe dy persona të tjerë

10.03.2019 - 20:49

Policia e Fierit ka ndaluar dy persona dhe shpallur në kërkim dy të tjerë pas plagosjes së efektivit të FNSH-së Aranit Karemani gjatë protestës së opozitës në Fier.

Shkarkoni Aplikacionin e Konica.al

Mësohet se personat e ndaluar janë shtetasit L.Z 42-vjeç dhe E.K 37 vjeç. Sipas policisë ndalimi i tyre u bë pas analizimit të pamjeve filmike.

Informacion paraprak:

plagosja e efektivit te fnsh-konica.al

Policia e Fierit ndalon 2 shtetas të tjerë të cilët ushtruan dhunë ndaj punonjësve të policisë në protestën e djeshme.

Në vijim të veprimeve hetimore dhe pas analizimit të pamjeve filmike dhe provave të tjera të grumbulluara, u bë i mundur identifikimi i dy personave të tjerë të cilët kanë ushtruar dhunë ndaj punonjësve të policisë në protestën e djeshme në Fier.

Si rezultat, u kapën dhe u ndaluan shtetasit:

L.Z, 42 vjeç, banues në Fier.

E.K, 37 vjeç, banues në Fier.

Gjithashtu, janë shpallur në kërkim edhe 2 shtetas të tjerë për të njëjtat vepra penale.

Materialet i kaluan Prokurorisë pranë Gjykatës së Shkallës së Parë Fier për veprat penale “Kundërshtim i punonjësit të policisë së rendit publik” dhe”Organizim dhe pjesëmarrje në grumbullime dhe manifestime të paligjshme”.