Kryetari i Bashkisë së Tiranës, Erion Veliaj reagoi pas akteve të protestuesve të opozitës, të cilët përsëri nuk nguruan të sulmojnë institucionet.
Përmes një postimi në rrjetet sociale, kryebashkiaku denoncon hipokrizinë që sipas tij shfaq PD dhe drejtuesit e saj, të cilët nga njëra anë sulmojnë dhe prishin të bukurën dhe nga ana tjetër për interes të votave mbrojnë godinën e vjetër të Teatrit Kombëtar.
“Pamje mbresëlënëse nga Koordinatori i PD për Trashëgiminë Kulturore.! Paradite shkatërron veprën e Florestano di Faustos, pasdite kinse mbron tallashin e Teatrit! Hipokritë e vandalë të pamëshirshëm! Lum Tirana, ju ka bërë dalje me vakt e refuzon çdo herë ekskursionin tuaj të dhunës!”, shkruan Veliaj ndërsa ka postuar edhe një video të publikuar nga ministri i Brendshëm Sandër Lleshaj nga sulmi me bojë ndaj institucionit që ai drejton.
