Rrëshqitjet masive të tokës vitin e kaluar dëmtuan rreth 16 banesa, ndërsa një pjesë e fshatit Blinisht në Mirditë u bë i pabanueshëm.
Gati një vit më vonë, asnjë nga familjet e prekura nuk është dëmshpërblyer nga fenomeni që sipas tyre është shkaktuar nga punimet për rrugën e kombit.
“Vijnë dhe vlerësojnë sipas tekave të veta bashkia”, shprehen disa nga banorët.
Specialisti i Emergjencave Civile, Ndrek Mhillaj theksoi se mosdhënia e dëmshpërblimeve lidhet me faktin se në atë fshat nuk mund të ndërhyet.
Prefekti i Lezhës, Gjergj Prendi e ka konsideruar të drejtë shqetësimin e banoreve, duke shtuar se instutucioni që ai drejton i ka zbatuar të gjithë proçeduarat në lidhje me këtë çështje.
“Detyra e prefektit të qarkut është zbatuar plotësisht”, shprehet ai.
Nga përllogaritja e bërë dëmet e shkaktuara nga rrëshqitjet e tokës në Bliniisht kapin vlerën e 36 milion lekëve të reja, por nuk dihet ende se kur ky fond do akordohet.
