07.03.2019 - 12:14
“IKMT po shemb shkollën ‘Goja e Artë’ në Roskovec”, ky është denoncimi që Lëvizja Socialiste për Integrim që solli reagimin e kryebashkiakës së Roskovecit.
Në një lidhje telefonike për News 24, Majlinda Bufi tha se akuzat nuk qëndrojnë, duke mohuar kështu shembjen e shkollës.
Teksa mohoi këto akuza, Bufi tha se ka vetëm një projekt për zhvillimin e Roskovecit.
“Ajo që po ndodh sot është në zbatim të ligjit për shpronësimin. Nuk ka shembje godine, por do të ndertohet rruga e re. Gjithë sipërfaqja që i është hequr i është garantuar presidencës së shkollës edhe me dokument zyrtar. Sot po zhvillohet aksioni i IKMT për të gjithë pronat që janë prekur“, tha Bufi.
