MENU
klinika

Lajmi i hidhur

Shuhet legjenda e Kombëtares

26.03.2019 - 17:18

Futbolli shqiptar ka humbur një tjetër legjendë. Një lajm i hidhur është përhapur pasditen e sotme në kryeqytet.

Një sëmundje e rëndë ka bërë që sot të ndahet nga jeta, në moshën 76-vjeçare, një nga legjendat e Tiranës dhe të futbollit shqiptar, Ali Mema.

Futbolli shqiptar është në zi, pasi një nga figurat më popullore të tij ndër vite, nuk jeton më. Ali Mema mbahet mend nga tifozët shqiptarë si një nga mesfushorët më potentë të Tiranës, por edhe të Kombëtares, në vitet ’60-70.

konica sportkonica sport mobile

Një lojtar i rrallë, që pasi u shkëput nga futbolli i luajtur, vazhdoi punën si trajner. Është një nga pjesëtarët më të shquar të dinastisë Mema, babai i trajnerit aktual të Tiranës, Ardian Memës.

Homazhet në nderim të Ali Memës, ish-futbollisti dhe ish-trajnerit të madh të Tiranës, do të bëhen nesër, nga ora 10:00, në ambientet e stadiumit “Selman Stërmasi”.

VAZHDO TË LEXOSH MË TEPËR PËR TEMËN