18.03.2019 - 19:46
Ambasadori i BE-së në Tiranë, Luiggi Soreca, gjatë takimit të tij në Këshillin e Bashkimit Evropian, ka diskutuar për ecurinë e reformave në Shqipëri.
Përmes një postimi në Twitter, ai shkruan se është diskutuar për situatën politike aktuale në vend dhe thekson se është në pritje të vendimit nga Këshilli për hapjen e negociatave.
“Sërish në Bruksel, në Këshillin e Bashkimit Evropian për të diskutuar me Shtetet Anëtare në #COWEB gjendjen e zbatimit të reformave kyçe dhe situatën politike aktuale në Shqipëri. Në pritje të Raportit Vjetor të Komisionit Evropian dhe vendimit të qershorit nga Këshilli për hapjen e negociatave për anëtarësim”, shkruan ambasadori.
