Kryegjyshi Boteror i Bektashinjve, Haxhi Dedebaba Edmond Brahimaj ka zhvilluar një ceremoni për të gjithë besimtarët myslimanë që festojnë sot “Sulltan Nevruzin”. Në ceremoninë e shenjtë e zhvilluar në Kryegjyshatë, Baba Mondi foli gjerë e gjatë për jetën e imam Aliut.
“Jeta dhe vepra e tij përbën një model të shkëlqyer për botën myslimane. 22 marsi do na nxisë dita ditës për më shumë dashuri me njëri tjetrin. I lutem zotit lart për një të ardhme sa më të mirë dhe jo këtë realitet të trishtuar. I kërkoj shqiptarëve të mos braktisin Shqipërinë. Zoti i bekoftë të gjithë. Amin! Më lejoni të filloj ceremoniinë . Dashuria e Aliut dhe drejta e Aliut në këtë komb ështe si e drejta e prindërve me fëmijët”, -u shpreh ai.
Mes të tjerash Baba Mondi përmendi edhe tragjedinë e ndodhur në Zelandën e Re, ku shumë persona u vranë duke falur namazin në xhami. Ai dënoi aktin dhe terrozimin.
“Te kthehet në paqe shpirti i tyre, duke dënuar çdo akt dhune dhe terrorizmi.”- tha Kryegjyshi Botëror i Bektashinjve.
