05.03.2019 - 13:24
Teksa marshonin në bulevard drejt selisë së PD-së, ish-kryeministri Berisha në një prononcim për mediat i sugjeroi kryeministrit Rama të ikë ditën, pasi nata sipas tij nuk i dihet se ku të çon.
Gjithashtu Berisha u dha përgjigje edhe akuzave se po tenton të rikthejë vitin 1997.
“Ne po tentojmë tu kthejmë lirinë shqiptarëve dhe rama i ka kohërat e numëruara. Bën mirë të ikë ditën se ikja natën nuk dihet se ku përfundon, është e tmerrshme për të”- tha Berisha, duke shtuar se e sotmja ishte një tjetër fitore dhe se revolta ka pushtuar zemrat e mbarë shqiptarëve.
