MENU
klinika

Tuneli hekurudhor Torino-Lion

Tuneli hekurudhor me Francën/ Italia ndalon nisjen e tenderave

10.03.2019 - 10:20

Kryeministri italian Giuseppe Conte ka ndalur nisjen e tenderëve për një tunel hekurudhor me shpejtësi të lartë të përbashkët me Francën. Ky veprim është projektuar për të qetësuar një mosmarrëveshje mbi projektin që kishte kërcënuar të rrëzonte qeverinë.

Conte tha në një postim në Facebook se ai i kërkoi TELT, kompaninë që mbikqyr projektin, për të ndaluar tenderët. Ai shtoi se qeveria e tij do të të ridiskutonte plotësisht projektin.

Tuneli hekurudhor TAV (Treno Alta Velocità) është kritikuar nga Lëvizja “Pesë Yjet” por mbështetet nga partneri i saj i koalicionit, Lidhja. Vendimi vjen në mes të tensioneve diplomatike me Francën lidhur me emigracionin.

TAV është një ndërmarrje e përbashkët midis Italisë dhe Francës, që synon lidhjen e Torinos dhe Lionit nëpërmjet një tuneli prej 58 km (36 milje) nëpër Alpe. Pritet të përgjysmohet koha e udhëtimit mes dy qyteteve në vetëm dy orë. Tuneli gjithashtu do të bënte të mundur udhëtimin nga Parisi në Milano për rreth katër orë, nga shtatë.

Projekti është planifikuar të përfundojë në vitin 2025.

Shpenzimet u projektuan fillimisht se shkonin në 8.6 miliardë dollarë, por ministri i transportit i Italisë, Danilo Toninelli, e ka vënë çmimin mbi 20 miliardë euro.

BE-ja u zotua fillimisht për të financuar deri në 40% të kostos, Italinë deri në 35% dhe Francën deri në 25%. Por të premten, ministri francez i transportit Elisabeth Borne tha se Komisioni Europian ofroi të rriste pjesën e tij në 50%, duke lënë kështu Francën dhe Italinë të mbulonin 25% secila.

Linja hekurudhore ka qenë një burim i vazhdueshëm i grindjeve në politikën italiane. Kundërshtarët thonë se shpenzimet do të jenë shumë të larta dhe paratë më mire të shpenzohen më mirë në përmirësimin e rrugëve dhe urave ekzistuese.

Një raport i qeverisë italiane muajin e kaluar arriti në përfundimin se nga tuneli Italia do të humbiste € 7 miliard deri në vitin 2059.

Telt, kompania franko-italiane që drejton projektin, thotë se ka në plan të vazhdojë me ndërtimin e tunelit në anën franceze për të shmangur humbjen e milionave në fondet e BE. Por ajo tha se nuk do ta bënte këtë pa pëlqimin e të dy vendeve.

Italia tani pritet të zhvillojë bisedime të mëtejshme mbi projektin me Francën dhe BE.

Një zyrtar i BE i tha agjencisë së lajmeve Reuters se projekti mund të humbasë deri në 300 milion euro të fondeve të BE nëse tenderët nuk janë nisur deri në fund të marsit.

VAZHDO TË LEXOSH MË TEPËR PËR TEMËN


Tuneli hekurudhor franko-italian

BE: Italia do të ndëshkohet nëse heq dorë