11.03.2019 - 11:22
Më pak se një javë nga vdekja e yllit të “Beverly Hills, 90210”, Luke Perry, i cili vdiq në moshë 52 vjeçare, është ndarë nga jetë një tjetër aktor i famshëm i këtij seriali.
Bëhet fjalë për Jed Allan, i cili ka ndërruar jetën në Palm Desert të Kalifornisë, në moshë 84-vjeçare.
Ai ka qenë më së shumti i njohur për rolin e babait të Steve Sanders (që u portretizua nga Ian Ziering) në serialin e famshëm të viteve ‘90, “Beverly Hills, 90210”.
Allan ka luajtur po ashtu edhe në telenovelën e popullarizuar të viteve tetëdhjetë dhe nëntëdhjetë, “Santa Barbara”, në rolin e C.C. Capwell.
Lajmi për vdekjen e tij vjen më pak se një javë prej se ndërroi jetë një tjetër yll i serialit “Beverly Hills, 90210”, Luke Perry, i cili vdiq në moshë 52-vjeçare.
