U luajtën sot ndeshjet “Play Off” të Kategorisë së Parë të futbollit, ndërkohë që duelet për mbijetesën do të luhen ditën e nesërme.
Në grupin A, spikati dueli mes Vllaznisë dhe Dinamos, dy ekipe me shumë traditë në futbollin shqiptar. Ishin shkodranët ata që triumfuan me rezultatin 1-0, falë golit të Junior në minutën e 60-të.
Ndërkohë, pas kësaj fitoreje, Vllaznia është gjithnjë e më pranë rikthimit në Superiore, ndërsa në anën tjetër Dinamo edhe këtë sezon mbetet larg nga kreu i renditjes.
GRUPI A
Vllaznia-Dinamo 1-0
Junior 60’
Erzeni-Korabi 0-2
49′, 62′ Hoxha
Në grupin B, Bylisi ka fituar me përmbysje ndaj Orikut. Ballshiotët u befasuan në pjesën e pare, pasi u ndëshkuan në fund, por në fraksionin e dytë shënuan dy herë me Bajramaj dhe Guindo.
Ndërkohë, edhe Besa, e cila është gjithashtu pretendente për t’u ngjitur në elitë vitin e ardhshëm, ka mposhtur me rezultatin 3-1 ekipin e Lushnjës.
GRUPI B
Bylis-Oriku 2-1
54′ Bajramaj, 69′ Guindo /45′ Kuqi
Besa-Lushnja 3-1
4′ Mziu, 47′ Onuh, 72′ Onuh/ 74′ Allkanjari
VAZHDO TË LEXOSH MË TEPËR PËR TEMËN
