Vetëm dy ditë pas ekzekutimit të Jurgen Kurtit në derë të shtëpisë, policia ka bërë hapin e radhës.
Djali i të ndjerit Agim Arapi është shpallur në kërkim si i dyshuar për vrasjen e 26-vjeçarit Kurti.
Bëhet fjalë për Dervis Arapin, i cili tashmë është në kërkim nga policia.
Në lidhje me këtë çështje ka reaguar menjëherë Vjollca Arapi bashkëshortja e të ndjerit Agim Arapi.
Ajo është shprehur e revoltuar se djali i saj nuk ka lidhje me këtë vrasje dhe e ka cilësuar si skandal këtë vendim.
“Ky është një skandal, policia të kërkojë në tjetër vend për vrasësit e Jurgenit. Neve dhe fisi jonë nuk kemi lidhje fare me këtë ngjarje të fundit”, ka thënë ajo.
Kujtojmë që në prill të 2017 Agim Arapi u rrah për vdekje në picerinë e tij në Durrës.
I akuzuar për vrasjen e tij ishte edhe Jurgen Kurti, i cili më pas doli i pafajshëm.
Policia njoftoi aso kohe që Kurti u rrah për vdekje nga dy vëllezërit Kostandin dhe Kujtim Ekonomi, si dhe dhëndri i Konstandinit, Jurgen Kurti.
Por më pas Kurti u përjashtua nga autorësia e krimit dhe u la i lirë.
VAZHDO TË LEXOSH MË TEPËR PËR TEMËN
