MENU

Detajet

Aksident i rëndë me pasojë vdekjen e 2 personave

28.04.2019 - 08:41

Një aksident i rëndë është shënuar në rreth-rrotullimin e Tapizës mbrëmjen e sotme.

Si rezultat i aksidentit kanë humbur jetën dy persona.

Në njoftimin e policisë bëhet me dije se viktima kanë mbetur 34-vjeçari me inicialet E.H, i cili ishte shoferi i automjetit dhe pasagjerja, 28-vejçarja me inicialet RR.Gj.

34-vjeçari, i cili po drejtonte mjetin tip Audi më targa AA 086 RF, ka humbur kontrollin e mjetit, sipas policisë, duke dalë nga rruga, ndërsa përplasja ka rezultuar fatale për të dhe 28-vjeçaren

Veç dy viktimave, kanë mbetur të plagosur edhe dy persona të tjerë, të cilët janë dërguar në spital, ku ndodhen jashtë rrezikut për jetën.

Njoftimi i plotë i policisë:

Tiranë/Informacion paraprak.

Në segmentin Tapizë-Kamëz tek rrethrrotullimi i Tapizës, mjeti markes Audi më targa AA 086 RF, që drejtohej nga shtetasi E.H, 34 vjeç, ka humbur kontrollin duke dalë nga rruga dhe për pasojë ka gjetur vdekjen drejtuesi i mjetit si dhe pasagjerja shtetasja RR.Gj 28 vjeçe.

Gjithashtu janë dëmtuar dhe janë transportuar për në spital për momentin jashtë rrezikut për jetën edhe dy shtetase të tjera që ishin pasagjere në këtë mjet.

Grupi hetimor ndodhet në vendngjarje dhe po punon për përcaktimin e plotë të shkakut të daljes nga rruga.