Një 29-vjeçar shqiptar ka arritur t’u shpëtojë forcave të policisë serbe. Ai është arratisur nga burgu i Prokupijes në Serbi.
I riu i identifikuar me inicialet M.P, nga Podujeva ka arritur t’i shpëtojë gardianëve gjatë daljes nga spitali i Nishit, ku ishte dërguar për kontroll pas ndërhyrjes që kishte bërë vitin e kaluar.
“Pas operacionit, i burgosuri ka qenë në më shumë se 20 vizita kontrolluese. Sot, në orën 09:55 në mëngjes, ishte nën përcjelljen e dy pjesëtarëve të sigurimit të burgut të Prokupljes dhe duart i kishte të prangosura. 
Komandantët e policisë ishin duke e mbajtur për dore mirëpo në momentin kur njëri prej tyre e kishte hapur derën e automjetit policor, M.P. e kishte shtyer komandantin tjetër policor dhe kishte filluar të vraponte përmes bulevardit në drejtim të një lagje të banuar”, raporton Klan Kosova.
M.P. është burgosur për shkak të një vjedhjeje të rëndë.
VAZHDO TË LEXOSH MË TEPËR PËR TEMËN
Arratisja e Gruevskit/ Vuçiç pranon që ka qenë në Serbi
