Bazuar në disa të dhëna të bëra publike nga Agjencia e Sigurimit të Depozitave (ASD), vihet re se depozitat e sigurueshme në sistemin bankar në dhjetor të 2018 kanë kapur vlerën e 922.3 miliardë lekëve.
Të dhënat sipas ASD:
Sa ishte numri total i depozituesve individë?
-Numri total i këtyre depozituesve që përfitojnë nga skema e sigurimit të depozitave në 2018 është 2.388.717
-Nga këta, 911.153 depozitues janë inaktivë, pasi kanë në banka 0-100 lekë
-ASD sqaron se këta nuk janë individë, pasi një individ mund të ketë disa depozita.
-1.414.440 depozitues kanë deri në 2.5 mln lekë
-Këta depozitues përfitojnë mbulim të plotë nga skema e sigurimit të depozitave
-Depozituesit individë me depozita më të mëdha se 2.5 mln lekë në fund të dhjetorit 2018, janë 90,845 apo 3.7% e totalit të depozituesve në vend.
Sipas ASD, Depozitat e siguruara të individëve për sistemin bankar në fund të dhjetorit 2018 ishin në vlerën 633.2 mld lekë dhe përbëjnë 68.7% të vlerës së depozitave të sigurueshme të individëve.
Për periudhën 2010-2018, përqindja e depozitave të individëve me vlerë deri në 2.5 mln lekë, varion nga 40% deri në 44% të totalit të depozitave të sigurueshme.
VAZHDO TË LEXOSH MË TEPËR PËR TEMËN
“S&P”: Ç’do ndodhë me bankat e mëdha?
Depozitat bankare, Shqipëria është e dyta në rajon
Depozitat vijojnë rritjen
