Kreu i grupit Parlamentar të Partisë Socialiste, Taulant Balla u shpreh se djegia e mandateve nga ana e opozitës ka si qëllim pengimin e Reformës në Drejtësi si dhe hapjen e negociatave të Shqipërisë.
“Ne nuk kemi kohë për të humbur, shqiptarët nuk kanë kohë për të humbur. 30 qershori është një moment i rëndësishëm për të vlerësuar modelin se ku duhet të ecin qytetet edhe bashkitë. PD dhe LSI kanë sot vetëm 2 qëllime. Ata kanë 2 qëllime, të bëjnë çka munden për të penguar reformën, dorëzimi i mandateve ishte përpjekje për të penguar implementimin e një reforme historike.
E dyta, përpjekja për të penguar hapjen e negociatave në Qershor. Për të nxirë imazhin e Shqipërisë përballë vendeve të Be. Nuk ka asnjë shqiptar sot që nuk e beson se Luli dhe Monika, me hapjen e negociatave do merrnin një shuplakë tjetër dhe kjo është përpjekja e tyre e fundit për të penguar procesin historik drejt BE. Kryeministri ka qënë gjithmonë i gatshëm për dialog me opozitën por pa shkelur mbi kurrizin e kushtetutës dhe të demokracisë”, tha Balla.
Sekretari i Përgjithshëm i Partisë Socialiste shtoi se Komisioni Europian konfirmoi bindjen që Shqipëria ka bërë progress në forcimin e shtetit ligjor dhe konsolidimin e administratës publike.
