19.04.2019 - 11:31
Pranë Këshillit të Lartë të Prokurorisë është regjsitruar sot kandidatura e parë për Prokuror të Përgjithshëm.
Kandidatura e parë mësohet se është Olsian Çela. Ai është prokuror pranë Prokurorisë së Krimeve të Rënda.
Gara u hap zyrtarisht rreth një muaj më parë, ndërkohë që kujtojmë se KLP miratoi rregulloren mbi kriteret dhe procedurën për përzgjedhjen e kandidatëve për Prokurorë të Përgjithshëm me një mandat kushtetues 7-vjeçar.
Rregullorja parashikon 4 kriteret kryesore për vlerësimin e kandidatëve për prokuror të përgjithshëm mes të cilëve kriteri profesional, kriteri moral dhe i integritetit, vlerësimi organizativ dhe drejtues dhe elemente shtesë për vlerësim (përvojë në jetën akademike, tituj shkencorë).
