“Austrian Airlines” po rishikon mundësinë e rifillimit të transportit të parave nga aeroporti ndërkombëtar i Tiranës drejt Vjenës, pas pezullimit prej dy javësh.
Zëdhënësja e ‘Austrian Airlines’, Tanja Gruber konfirmoi se shërbimi i transportit të parave kesh do të rifillojë pasi gjithçka do të jetë e sigurt.
Megjithatë, Gruber nuk dha një datë specifike se kur do të rifilljë procesi.
“Pas grabitjes së avionit tonë 0S848 më datë 9 prill në aeroportin e Tiranës, Austrian Airlines pezulloi transportin e ngarkesave me vlerë si një masë emergjente. Që nga grabitja jemi duke u marrë me situatën.
Ne po planifikojmë të rifillojmë transportin e ngarkesave me vlerë, gjithsesi sot nuk mund t’u konfirmojmë një datë të caktuar. Në ditët në vijim do bëhet një inspektim i gjithë departamenteve.
Vetëm pas këtij inspektimi do te marrim një vendim për te rifilluar transportin e vlerave”, u shpreh Gruber.
