Rreth tre ditë më parë u arrestua personi i gjashtë i dyshuar si i përfshirë në grabitjen e Rinasit.
Bëhet fjalë për Ragip Hajdinin, 50-vjeçarin nga Peja, i identifikuar nga Alkond Bregasi si “Daja nga Kosova”.
Hajdini ka refuzuar të japë shpjegime para grupit hetimor në lidhje me përfshirjen e tij në grabitjen e miliona eurove në Rinas.
Për rreth 48 orë që ka qëndruar në dhomat e paraburgimit në Drejtorinë e Policisë së Tiranës, “Daja” nga Kosova është pyetur, por nuk ka pranuar të flasë.
Sot Hajdini del para Gjykatës së Krimeve të Rënda, ku do të njihet me masën e sigurisë.
“Daja” edhe në Kosovë rezulton me precedentë penalë. Ai dyshohet se ka grabitur 25 kg flori nga Dhoma e Dëshmive në Policinë e Pejës, bashkë me 5 persona të tjerë në vitin 2012.
VAZHDO TË LEXOSH MË TEPËR PËR TEMËN
