Kryeministri Ramush Haradinaj dhe këshilltarët e tij kanë rënë në ‘kurthin’ e një shakaje duke menduar se ishte lajm i vërtetë.
Shefi i Qeverisë kosovarë uroi një humorist si kryeministër i ri i Ukraninës, një gafë e cila nuk i ka shpëtuar gazetarit të “The Guardian”, Shaun Walker.
Haradinaj i kishte uruar sukses presidentit aktual Petro Poroshenko, por ai gjithashtu kishte uruar edhe “Kryeministrin e ardhshëm të Ukrainës, Vovan Luxusov”.
Ky i fundit është emër i trilluar nga dy komedian rusë. Gazetari pasi bëri publike ‘gafën’ pyeti me habi se si ende politikanët po bien pre e shakave të humoristëve nga Moska Vovan (Alexei Stolyarov) e Lexusov (Vladimir Kuznetsov).
Walker kishte shkruar se Vovan dhe Lexus i kishin thënë Haradinajt se do ta njohin Kosovën nëse ai fiton.
Gazetari kishte ruajtur postimin e kryeministrit Haradinaj e më pas e kishte hedhur në Twitter.
